Reuters: Pistî salan Tirkiyê û Sûriyê bi fermî peywendî danîn

PeyamaKurd – Ajansa fermî ya Sûriyê (SANA) ragihand ku Serokê MÎTê Hakan Fîdan û Serokê Buroya Ewlekariya Sûriyê General Alî Memlûk li Moskowayê civiyan. Rayedarekî tirk ji Reutersê re axivî û ev peywendî piştrast kir.

Ajansa fermî ya Sûriyê (SANA) ragihand ku duh  li Moskowayê bi beşdariya rayedarên payebilind ên Tirkiye-Rûsya û Sûriyê civîneke sêqolî pêk anîn. Li ser navê Tirkiyê Serokê Îstîxbarata Tirkiyê (MÎT) Hakan Fîdan û li ser navê Sûriyê jî Serokê Buroya Ewlekariya Sûriyê General Alî Memlûk beşdarî civînê bû.

'Piştî salan bo cara ewil bi fermî peywenî danîn'

Rayedarekî Tirk ji Reutersê re axivî û ev hevdîtin piştrast kir. Reutersê ji bo vê hevdîtinê got “Tirkiyê û Sûriyê piştî salan bo cara ewil bi fermî peywendî danîn.”

Li gorî zanyariyên SANAyê Serokê Buroya Ewlekariya Sûriyê General Alî Memlûk ji aliyê Tirkiyê xwest ku rêzê li serwerî û yekrêziya xaka Komara Erebî ya Sûriyê bigire û demildest ji xaka Sûriyê derkeve.

‘Rêkeftina Soçiyê hat bibîrxistin’

Memluk herwiha Rêkeftina Soçiyê ya 17ê Îlona 2018an hat bibîrxistin û daxwaz ji aliyê Tirkiyê kir ku berpirsyariya xwe bîne cî.

Alî Memlûk di çarçoveya Rêkeftina Soçiyê de ji Serokê Îstîxbarata Tirkiyê (MÎT) Hakan Fîdan daxwaz kir ku çekên giran û terorîst werin derxistin û herwiha rêyên serekî uên Heleb-Lazkiyê û Heleb-Hemayê bêne vekirin.