Fezlekeyên betalkirina parlamentariya 8 HDPiyan ji parlamenê re hat sandin

PeyamaKurd – Hat ragihandin ku fezlekeyên rakirina parêzbendiya 8 parlamenterên Partiya Demokratîk a Gelan (HDP) û parlamenterekî Partiya Komarî ya Gel (CHP) ji Parlamentoya Tirkiyê re hat şandin.

Wê dosyeyên rakirina parêzbendiya wan 9 parlamenteran li Komîsyona Dadê ya Destûrê werin gotûbêjkirin û heger biryar li ser rakirina parêzbendiya wan bê dayîn jî li parlamentoyê wê dengdan bê kirin.

Parlamentarên fezlekeyên wan bo parlamenê hatine şandin ev in: Parlamenterê HDPê yê Şirnexê Huseyin Kaçmaz, Parlamentera HDPê ya Amedê Remziye Tosun, Parlamentera HDPê ya Êlihê Feleknas Uca, Parlamenterê HDPê yê Kocaeliyê Omer Faruk Gergerlioglu, Parlamenterê HDPê yê Wanê Sezai Temelli, Parlamenterê HDPê yê Rihayê Nusrettin Maçin, Parlamenterê HDPê yê Dêrsîmê Alican Onlu, Parlamentera HDPê ya Êlihê Ayşe Acar Başaran û Parlamenterê CHPê yê Stenbolê Aykut Erdogdu bê rakirin.