Blinken: Tewrê me yê gistî li hemberê Îranê neguhiriye

PeyamaKurd – Wezîrê karên derve yê Amerîkayê Antony Blinken li Washingtonê pirsên rojnamevanan bersivand û li ser tewrê Amerîkayê yê li hemberê Îranê got:

“Tiştek neguhiriye, em wan asteng dikin da Îran dev ji tewrê berde, zorê didinê û pêvajoya dîplomasiyê dewam dike.

Soza me ya ku dê Îran nebe xwediyê çekên nuklerî dewam dike. Em dewam dikin û Îranê ji îhlala mafên mirovan, ji fînansa terorê û firotina balafirên bê ajotvan ya Rûsyayê berpirs digrin.”

Li ser pirsa ku 5 Amerîkayiyên li Îranê girtîbûn û wan xistibûn hebsa malê, Blinken got:

“Tiştek başe ku di hebsa malê de ne lê hêj danegeriyane malên xwe.”

Li ser pirsa ku 7 milyar dolarê Îranê di bankayên Kore ya Başûr de bûn û perê wan serbest hat berdan de Blinken got:

“Fonên Îranê yên li Koreyê ne yên mukellefên Amerîkane û perê Îranê ye. Rêvebiriya berê îznê da ku çend welat ji Îranê petrolê bistîne û wan fonan bixin hesabên taybet. Me îznê da fonên di bankayên Kore de ku tenê karibin ji bo pêdiviyên mirovî bikarbînin.”