Îran: 6 kes tên îdamkirin

PeyamaKurd –  Hat ragihandin ku cezayê idamê yên li 6 kesên ku ji ber protestoyên piştî mirina Jîna Emînî li wan hat birîn, hat erêkirin û wê di demek nêz de bên îdamkirin.

Li gorî nûçeya rojnameya Şark a Îranê, Serokê Dezgeha Dadweriyê Gulam Huseyîn Muhsînî Ejeyî diyar kir, proseya darazê ya hin xwepêşanderên ku ji ber xwepêşandanan hatibûn desteserkirin di demeke kin de bi dawî bû.

Di vê çarçoveyê de Ejeyî bi bîr xist ku kesên ku di xwepêşandanan de bi sûcên weke “terorîzm, kuştin, têkbirina nîzama giştî” hatin darizandin, cezayê darvekirinê an jî cezayê girtîgehê yê demdirêj li wan hate birîn.

Serokomar Ejeyî got, "Hin kesên ku fesadî kirine û li dijî dewletê şer kirine, bi çek û çekên sar qetil kirine û bêbaweriyê diafirînin jî hatine cezakirin û wê di demeke nêz de bên îdamkirin."

Jina Emînî ya 22 salî ku di 13ê Îlonê de nexweş ketibû û rakirin nexweşxaneyê, piştî ku ji aliyê dewriyeyên Îrşad ên bi navê “Polîsên Ehlaqê” yên Tehranê tên binavkirin, bi hinceta “guhnedana rêgezên sergêjiyê” hatibû binçavkirin, jiyana xwe ji dest da. Di 16ê Îlonê de li Rojhilatê Kurdistanê û Îranê li dijî hikûmetê xwepêşandan hatin lidarxistin.

Di xwepêşandanên ku li seranserê welat belav bûn de bi sedan kesan jiyana xwe ji dest dan û zêdeyî 10 hezar kes jî hatin binçavkirin.