Karbidestekî Rojava: Hikûmeta Samê li ser Holê hevkariyê nake

PeyamaKurd – Berpirsekî Rojava got ku hikûmeta demkî ya Şamê di warê valakirina malbatên ku tê îdiakirin bi DAIŞê ve girêdayî ne ji Kampa Holê de bi rayedarên Rojava re di hevrêziyê de ne.

Serokê kampên penaberan ên Rojava Şêxmûs Ehmed ji Rudawê re gotiye ku nifûsa Kampa Holê daketiye 25,183 kesan, ku 14,920 ji wan Sûrî ne.

Hikûmetên Rojava û Şamê berê li hev kirin da ku vegera van kesan bo malên xwe hêsan bikin, lê Şêxmûs Ehmed got ku hikûmeta demkî hevkariyê nake.

Nifûsa kampê di destpêkê de dora 60,000 kesî bû.

"Me ji Şamê bersivek negirtiye"

Şêxmûs Ehmed gotiye, "Ev kes ji deverên di bin kontrola hikûmeta demkî de ne. Di navbera me û hikûmetê de di derbarê valakirina malbatên Sûrî de tu hevrêziyek tune. Me ji hikûmeta demkî di vê mijarê de alîkarî xwestiye, lê me bersivek negirtiye."

El-Hol, ku li nêzîkî bajarê Hesekê ye, bi şert û mercên jiyana xwe yên xirab tê nasîn û pir caran wekî înkubatorek ji bo tundrewiyê tê binavkirin.