6 roj berê çûye cafeyê û kesfa her tistî kiriye

PeyamaKurd- Li ser mijara li Almanya, li bajarê Hanauyê ku êrîşkerê bi navê Tobias R. çûbû ser cafeyê û 9 kesan bê sedem kuştibû, detayên din derketin ortê. Di detaya de hat ragihandin ku berya bûyerê bi 6 rojan çûye cafeyê û her tiştî di hizra xwe de amade kiriye. Ev pêşdeçûna nû, piştî dîmenên kamerayan hatin kontrolkirin, hat dîtin.

Li ser kuştina 9 kesan, tîmên taybet yên Almanya operasyon kiribû ser Tobisa R. yê 43 salî lê diya wî ya 72 salî jî di malê de bi kuştî hatibû dîtin. Hat ragihandin ku êrîşker xwediyê belgeyeka nêçîrvaniyê ye û li pey xwe nameyekî û vîdeoyekî hiştiye.