Li Kerkûkê bi armanca Erebkirinê bi sedan Ereb li gundekî Kurda bi cîh bûn

PeyamaKurd – Li  Kerkûkê bi armanca Erebkirinê, bi sedan Erebên ji hawirdorê hatine li gundê Pelkane yê Kerkûkê kon vegirtine, bi cîh bûne û çav berdane xaniyên Kurdan. Li gor nişteciyên gundê Pelkane dibêjin: ‘‘Erebên ku hatine, dest danîne ser 9 xaniyan û dixwazin hemû gundî dagir bikin.’’

Gundiyên Pelkane yê Kerkûkê li benda çareseriyeke bilez in û hişyarî didin, ku wiha berdewam bike wê di navbera Kurdên resen û Erebên hawirdorê de şer derkeve. Herwiha nişteciyên Kurd xwe ji bo her bûyerê amade kirine.

Ereb jî li benda derfetekê ne ku nişteciyên Kurd ji xanî û zeviyên wan derxînin. Ji bo vê mebestê jî di nava gund de kon vedane.

Heta niha 9 xaniyên gundê Pelkane hatine dagirkirin û di nav wan xaniyan de her roj bi dariştina planan ve mijûl in û hewl didin di nava gund de cihê xwe zexm bikin.