Bi sedema ku PKK/KCK yî ne 5 kes hatin binçavkirin

PeyamaKurd- Bi sedema nerazîbûna tayînkirina qayyûman li şûna şaredarên BDP ê yên Diyarbekir, Mêrdîn û Wan ê li gelek deverên Kurdistan û Tirkiyê xwepêşandan dewam dikin. Ciyekî ji wan jî Esenyûrt a Îstenbolê bû ku ciwan xwepêşandanan dikirin. Bi wê sedemê hêzên asayîşa Îstenbolê yên beşa siyasiyê 11 kesan xistin bin şopandina xwe.

Di heman wextê de avêtin ser 11 navnîşanan û di encamê de 5 kesan binçav kirin. Tewanbariya ku bo wan ciwanan têkirin, goya di rêxistina ciwanan de ya bi ser PKK/KCK ê de xebata xwe dikin.

Asayîşa Îstenbolê ragihand ku di malên wan 5 kesan de, gelek dokumanên rêxistinê yên dîjîtal ketine dest.