Dîlok | Doz li ser sofêrê bû sedema mirina 2 jê rojnamevan 16 kesan hat vekirin

PeyamaKurd – Serdozgeriya Komarê ya Navçeya Nîzîpê ya Dîlokê, di derbarê şofêrê ku bû sedema mirina 2 jê rojnamevan 16 kesên di qezaya trafîkê ya li Dîlokê de doz vekir. 

Li gor zanyariyan, di 20ê Tebaxê de li ser rêya Dîlok û Rihayê otobusek li yên ku tevdîrê qezayek qewimî bû digirtin qelibîbû û 2 jê rojnamevan 16 kesan can dabûn. Serdozgeriya Komarê ya Navçeya Nîzîpê derbarê bûyerê de lêpirsîn dabû destpêkirin. Lêpirsîn bi dawî bû û derbarê bûyerê de dozname hat amadekirin.

Li gor hat ragihandin, di derbarê şofêr Abdulkadîr M. ê girtî de ji tawanbariya “bûye sedemê mirina ji kesek zêdetîr a biqisûr û birîndariyê” doz hat vekirin. Di doznameyê de ji şofêr re heta 22 sal û nîvan cezayê hefsê tê xwestin. Doznameya ji aliye Serdozgeriya Nîzîpê ve hat amadekirin, ji hêla Dadgeha Cezayê Giran a Nîzîpê ve hat pejirandin. 

Herwiha di doznameyê de hûrguliyên qezayê, raporên heyeta pispor û îfadeyên şahidan cih digirin. Di doznameyê de hatiye xwestin ku şofêr were cezakirin.