Rusyayê, li Behira Res êrîsek li wê kestiyê kir

PeyamaKurd- Wezareta Parastinê ya Rusyayê ragihand ku hêzên wan guleyên hişyariyê berî keştiya barhilgir a hişk ku ber bi bendera Ukraynayê ya li Behra Reş ve diçû kiriye.

Di daxuyaniya nivîskî ya wezaretê de hat diyarkirin ku keştiya dewriyeyê ya Rusyayê ya bi navê "Vasiliy Bikov" li başûr-rojavayê Behra Reş keştiya barhilgir a hişk a bi ala Palauyê ya bi navê ‘Şukru Okan’ kifş kir û wiha hat gotin:

“Kaptanê keştiya barhilgir a hişk bersiv nedaye daxwaza rawestandina kontrolê ya ji bo sewqiyata barên qedexe. Keştiya şer a Rusyayê ji bo ku keştiyê bi zorê rawestîne, bi çekeke biçûk a otomatîk guleyên hişyariyê berdane.”

Hat destnîşankirin ku helîkoptera bi tîpa "Ka-29" ya ku leşkerên Rusyayê tê de bûn ji bo kontrolkirina keştiyê rabûye û hat gotin ku "Piştî axaftina radyoyê, keştî rawestiya û tîma teftîşê li keştiya barhilgir a hişk siwar bû. Piştî xebatên tîma teftîşê qediyan, keştiya Şukru Okan ber bi Bendera Îzmaîlê ve rêya xwe berdewam kir.”