Batman | Cerdevanan li hev resand: 1 kustî, 2 birîndar

PeyamaKurd – Hat ragihandin ku li navçeya Hezo ya Batmanê, gundiyê cerdevaniyê dike Şakir Erîklî bi çeka lûle dirêj gule bera biraziyê xwe Veysî Erîklî da û aw kuşt. Herwiha wî cerdevanî du cerdevanên din jî birîndar kir.

Li gorî zanyariyan, li Qereqola Cendirmeyan a Dilşanê ya navçeya Hezoyê ya Batmanê, cerdevan Şakir Erîklî (33) bi çeka xwe ya lûle dirêj, ji ber sedemeke ne diyar, gule li 3 cerdevanên ku ligel wî di nobetê de bûn reşand.

Di bûyerê de biraziyê Erîklî Veysî Erîklî (22) hat kuştin û cerdevanên bi navê Yakûp Kiral û Orhan Avci jî birîndar bûn.

Cenazeyê Veysî Ereklî ji bo otopsiyê bo morgê hat veguhestin û her du cerdevanên birîndar jî li Nexweşxaneya Dewletê ya Batmanê têne derman kirin.  

Piştî bûyerê cerdevan Şakîr Erîklî ji aliyê cendirmeyan ve hat binçavkirin.