Cîgirê Wezîrê Bergirî yê Sûriyê seredana Qamislo û Hesekê kir

PeyamaKurd- Cîgirê Wezîrê bergiriyê yê Sûriyê seredana Qamişlo û Hesekê kir û ligel fermandarên artêşê civiya.

Hat ragihandin ku Cîgirê Wezîrê Bergirî yê Sûriyê Lîwa Elî Salih roja duşemê gihiştiye balafirxaneya bajarê Qamişlo û li Fewcê Terteb ligel fermandarên artêşa xwe re civiyaye. Piştre seredana bajarê Hesekê kiriye û li wir jî, li Çiyayê Kewke ligel fermandarên artêşê re civiya ye.

Li gor zanyariyên hatine belav kirin, wî fermandarî, daxwaza avakirina xalên nû yê çavdêrî û bergiriyê kiriye.

Hikûmeta Sûryê du fewcên wê  li bajarê Qamişlo û Hesekê hene,  herwiha du çargoşeyên ewlekariyê li her du bajaran di jêr destê wê de ne, ku balafirxane û hejmareke dam û dezgehên giring ên dewletî li xwe digre.