HSD li hember ISÎDê bi pês de diçe!

PeyamaKurd- Operasyona Bagera Cizîrê ya Hêzên Sûriya Demokratîk (HSD) li dijî IŞÎDê bênavber dewam dike.

Berdevka Operasyona Bagera Cizîrê Lilwa Abdullah di derbarê operasyonan de daxuyaniyek da û got ku di navbera hêzên me û IŞÎDê de şerên giran rû didin. Operasyon ji du milan ve dewam dike. Ji milê rojava û rojhilatê ve. Heta niha ji milê rojhilatê 9 km. û ji milê rojavayê 13 km.yan em bi pêş de çûne. Heta niha gundên Til-Hemîdî, Sefyan, Mezar Xerbî, Hîcle, Şemas, Mercan, Ewdad û Um Mehfurê hatin azadkirin.

Lilwa Abdullah wiha berdewam kir: IŞÎD bi çekên giran êrîşî me dike. Heta niha me 5 tûnêlên IŞÎDê dîtin. IŞÎDê mayînên xessas veşartine. Ji bo ku em wan îmha bikin, em bi baldarî dixebitin. Lewra em naxwazin ku zerar bigihe sivîlan.