Efrîn | Ji bo baca zeytûnan li meydana gund destdirêjî kirin

PeyamaKurd - Hat ragihandin ku komeke çekdar a bi navê Lîwaya Fatîh ku bi ser Tirkiyê ve ye, xelkê gundê Qirigolê yê Efrînê li nav meydana gund kom kir û destdirêjî li wan kir.

Lîwaya Fatih ku piraniya çekdarên wê Tirkmen in, xelkê gundê Qirigolê yê navçeya Bilbilê, li meydana gund kom kirin û ji wan xwestin ku berhemên zeytûnan ên koçberên gund radestî wan bikin, lê hin gundiyan ev red kir  û rastî îşkence û lêdana wan çekdaran hatin.

Li gor nûçeya BasNewsê ku dispêre çavkaniyên herêmê, gundiyên Qiriogolê destûrnameya xwe ya rêveberiya xwecihî nîşanî wan çekdaran dane, lê dîsa jî rastî êrîşê hatine û ji wan serê malbatekê  teneke zeytûn hatine xwestin.

Dîsa heman çavkanî didin xuyakirin ku wan çekdaran 6 gundî girtine û 2 kesên bi navê Qenber Mecîd Elî û Nîdal hemo şandine girtîgehê û îşkencê li wan dikin.

Hêjayî gotinê ye, ji dema operasyon û dagirkirina Efrînê ji aliyê artêşa Tirkiyê ve dizî, talan, revandin û kuştina niştecihên Kurd berdewam dike.