Fatih Erbakan serdana Hewlêrê dike

PeyamaKurd - Hat ragihandin ku Serokê Giştî yê Partiya Refahê (YRP) ya Tirkiyeyê Fatih Erbakan wê piştî Cejna Remezanê serdana Hewlêrê bike.

Alîkarê Serokê Giştî yê Partiya Aramî ya Nû (YRP) û Namzetê Şaredariya Bajarê Mezin a Stenbolê Mehmet Altinoz diyar kir ku wê Fatîh Erbakan piştî Cejna Remezanê serdana Hewlêrê bike û bi hin partiyên siyasî û rêveberên partiyan re hevdîtinan pêk bîne.

Altinoz got, "Kêfxweşiya cîranên me kêfxweşiya me, xemgîniya wan jî xemgîniya me ye. Em van têkiliyan didomînin." 

Altinoz balê kêşa ser çareseriya pirsgirêka Kurd a li Tirkiyeyê û got, “Eger li Tirkiyeyê di warê mafên mirovan de kêmasî hebin, divê em hemû van kêmasiyan bişopînin. Divê Tirkiye di warê ziman de siyaseta xwe ya taybet hebe. "Divê hemû zimanên me bi piştgiriya dewletê bêne parastin."