Qetlîama Siwêregê li ser medya civakî tê protesto kirin

PeyamaKurd – Li dijî êrîşa ser malbatekê ku 15ê Hezîranê 4 kes di encama êrîşeke çekdarî de bi awayekî hovane li meydana gund hatibûn kuştin, bertek zêde dibin.

Hîn êrîşkarên ku bi çend otomobîlan bi ser wê malbatê de girtin û ew kuştin nehatine girtin û derneketine pêş dadgehê. Ji bo edalet bicih were li ser medya civakî kampyayek bi navê 'komkujiya siwêregê' hatiye destpêkirin ku ew bûyer tê protesto kirin û tê xwestin qatil bên sizadan.

Gelî xêr xwazan li ser vî bûyerê heya ji destê we tê bisekinin bila ji rojevê nekeve, heya ev fikr û bawerîyên gemar ji nava me Kurda dernekeve winda nebe Kurdistan Azad nabe!#DengBidinKomkujîyaSêwregê #SiverektekiKatliamaSesVer

— EvînaSeyda (@Evinaseyda_) June 19, 2019

Medya tirk êrîşê wekî pevçûna navbera malbatên eşîra Îzol nîşan dide, lê endamên malbatê yên sax filitî ne dibêjin, ew kesên êrîşkar nêzî deshilatdariya AKPê ne û komkujî li ser wan kirine.

Dîmenên êrîşê ku li ser medya civakî hatine belavkirin, hovîtiya ku bi çekan êrîşê malbatekê dikin û hemûyan dikujin derdixe rastê.

çok korkunç! Lütfen bağrış çağrışları silah seslerini ve o kızcağızın ağlama seslerini dinleyin. Eski akp milletvekili zülfikar izol ve çetesinin katliamını izleyin. #SiverektekiKatliamaSesVer pic.twitter.com/1mI0W1a4My

— D. (@BiraGobegi01) June 19, 2019

Di encama êrîşa roja şemiyê ya li taxa Çeltik a Siwêregê rû daye de, Zozan İzol (42 salî), Mustafa Serdar (24), Meral İzol (42) û Hakki İzol (49) jiyana xwe ji dest dan.

Herwiha ji heman malbatê Yusuf Rojhat İzol, Cihan İzol, Serhat Ferman İzol, Cemal İzol û Mehmet Metin İzol jî birîndar bûn.