Abdulhamit Gül: Em zîndana Diyarbekirê digrin

PeyamaKurd – Wezîrê dadê yê Tirkiyê Abdulhamit Gül tevlî civîna herêmî ya Diyarbekirê bû. Gül di axftina xwe de weha got:

“Slogana me ‘mirovan bide jiyandin da dewlet bijî’ ye. Eger em edaletê bidin jiyandin em ê bikin însan bijîn. Di wexta 12 ê êlûnê de zîndana Diyarberkirê bi îşkenceyên giran ketibû rojevê, wê zîndan bê girtin û em ê wê bikin muze.

Yek ji remzên 12 ê êlûnê zîndana Diyarbekirê ye. Wexta serokoma hat Diyarbekirê vê gotinê got. Em ê di wextekî kurt de zîndanê vala bikin û bigrin ji ber îşkenceyên giran û nemirovane tê de hatin kirin.

Em ê wê derê ji bo demokrasiyê bikin mal û bila car din 12 ê êlûnan çênebin û dewra wesayetan bi paşde neyên. Em ê wê derê ava bikin û bikin muze û navenda çandê. Em ê di nêzde wê derê vala bikin.”