Serok Barzanî li ser wefata Pîr Xidir peyama serxwesiyê belav kir

PeyamaKurd – Serokê Kurdistanê Mesûd Barzanî bi sedema wefata rewşenbîr, nivîskar û kesayetiyê civaka Êzidî Pîr Xidir Silêman peyamekî ji bo malbata Pîr Xidir, Bingeha Laleşê û civaka Êzîdî kir.

Peyama Serok Barzanî waha ye:

“Bi xem û kovaneke mezin me nûçeya koça dawî ya rewşenbîr, nivîskar û mamosteyê ziman û wêjeya Kurdî û kesayetiyê civaka Êzidî Pîr Xidirê Silêman bihîst.

Bi vê helkeftê, serxweşî û sersaxiyê li malbat û kesûkarên Pîr Xidirê Silêman û tevahiya nivîskar, navendên kulturî, Bingeha Laleşê û civaka Êzîdî dikin.

Ji Xwedêyê mezin dixwazin, sebir û hedarê bide kesûkarên rehmetî, giyanê wî şad be û cihê wî bihuşta berîn be.”