Hevsaredarên Gimgimê û Kopê hatin desteserkirin

PeyamaKurd - Hevşaredarên Gimgimê Ulku Karaaslan û Mahmut Yalçin û Hevşaredarên Kopê Eylem Saruca û Adanan Topçu hatin desteserkirin. 

Li navçeyên Mûşê hevşaredarên HDPyî hatin desteserkirin. Polîsan danê sibê zû bi ser malên Hevşaredarên Gimgimê Ulku Karaaslan û Mahmut Yalçin û Hevşaredarên Kopê Eylem Saruca û Adanan Topçu de girtin û ew desteser kirin. 

Polîsan di heman demê de avahiyên şaredariyan jî dorpêç kirin. Piştî lêgerîna li malan hevşaredaran birin avahiyên şaredariyê û ji wir jî birin miduriyetên polîsan.

Piştî biryara desteserkirinê bi fermana Wezareta Navxwe ji kar hatin dûrxistin û li şûna wan qeyûm hatin erkdarkirin

Li 28 şaredariyan qeyûm hatin erkdarkirin

Wezareta Navxwe ya Tirkiyê di 19ê Tebaxê de, bi sedema ku derbarê wan de lêpirsîn heye, Hevşaredarê Bajarê Mezin ê Amedê, ê Mêrdînê û Hevşaredara Bajarê Mezin a Wanê ji wezîfeyê dûr xistibû. Li şûna wan qeyûm tayîn kiribû. Ji wê rojê heya niha, li 28 şaredariyên HDPyî qeyûm hatine erkdarkirin.

Wezaret li şûna şaredaran, qaymeqaman an jî waliyan erkdar dike.

Şaredarên ku ji kar hatin dûrxistin ev in:

• Hevşaredarê Bajarê Mezin ê Amedê Selçûk Mizrakli,
• Hevşaredarê Bajarê Mezin ê Mêrdînê Ahmet Turk,
• Hevşaredara Bajarê Mezin a Wanê Bedîa Ozgokçe Ertan,
• Hevşaredarê Colemêrgê Cîhan Karaman,
• Hevşaredarê Geverê, Remzîye Yaşar,
• Hevşaredara Nisêbînê Semîre Nergîz,
• Hevşaredarê Pasûrê Mehmet Fatîh Taş,
• Hevşaredara Kayapinarê Kezîban Yilmaz,
• Hevşaredara Bismilê, Gulcan Ozer, 
• Rojda Nazlier, Hevşaredara Karazê
• Hevşaredara Erdîşê Yildiz Çetîn,
• Hevşaredara Qereyaziyê Melîke Goksû,
• Hevşaredarê Cizîrê Mehmet Zirig,
• Hevşaredara Sêrawê Caziye Dûman.
• Hevşaredara Qoserê Nilufer Elik Yilmaz,
• Hevşaredara Yenîşehîrê Belgin Diken,
• Hevşaredarê Hezroyê Ahmet Çevik,
• Hevşaredara Hezexê Songul Erden,
• Hevşaredarê Periyê Orhan Çelebi,
• Hevşaredarê Rêya Armûşê Azim Yacan,
• Hevşaredara Stewrê Gulistan Oncu,
• Hevşaredara Şemrexê Nalan Ozaydin,
• Hevşaredara Dêrikê Mulkiye Esmez,
• Hevşaredara Pirsûsê Hatice Çevik,