‘Amerîka ji bo DAIS ji nû ve zindî bibe ji Sûriyê derdikeve’

PeyamaKurd - Serkirdeyekî şîe yê Iraqê îdia kir ku Amerîka ji bo ku DAIŞ dîsa li Iraqê zindî bibe, hêzên xwe ji Sûriyê vedikişîne.

Cîgirê berê yê serokwezîrê Iraqê Beha Eirecî ku serkirdeyekî berbiçav yê bizava Sedir e di daxuyaniyekê de li ser derketina hêzên Amerîkî ji Sûriye û Rojavayê Kurdistanê got ku Amerîka bi vî awayî jî li Iraqê dimîne.

Beha Eirecî diyar kir, Amerîka destpêkê hêzên xwe yên li baregeha Telef ya Sûriyê ku li ser sînorê Iraqê ye, derxist daku rê bide çekdarên DAIŞê ji Sûriyê derbasî Iraqê bibin.