Li Çewligê 7 roj qedexe hate ragihandin

PeyamaKurd – Piştî qedexeyên çalakî û xwepêşandanan ên li hejmarek bajarên Bakurê Kurdistanê bi hinceta danîna qeyûm li ser şaredariya Colemêrgê, li bajarê Çewligê jî qedexe hate ragihandin.

Parêzgeriya Çewligê ragihand ku li tevahiya bajêr 7 rojan qedexeya meş, xwepêşandan û her cûre çalakiyan hatiye ragihandin.

Di daxuyaniyê de hatiye gotin ku piştî qeyûm li ser Şaredariya Colemêrgê hat danîn dibe ku li Çewligê jî çalakiyên dijî qeyûm werin lidarxistin û ji bo pêşî li çalakiyan were girtin, 7 rojan li tevahiya bajêr qedexe hatiye ragihandin.

Herwiha parêzgarîyê bang li welatiyan jî kir ku pabendî biryara qedexeyê bin.