Li Dîlokê, ji ber doza neyartiyê 3 kes hatin kustin!

PeyamaKurd- Li gorî agahiyên ku di çapemeniyê de cih girtin, li bajarê Dîlokê yê Bakurê Kurdistanê, di şerekî çekdarî de 3 kes hatin kuştin.

Di agahiyên hatin dayîn de hat zanîn ku li Taxa Nurtepe ya navçeya Şehîtkamîlê, nîqaşa di navbera endamên herdu malbatên ku tê îdiakirin neyartiya wan hebû, veguherî şerê çekdarî.

Hat diyarkirin ku di şer de Şahîn Erşen, Selman Çevîk û Îzzet Karakoç bi çekê hatin gulebarankirin û li cihê bûyerê can dan û M.Î. jî bi giranî birîndar bû.

Li gorî hat zanîn, dema gelek tîmên polîsan sewqî herêmê bûn, birîndar M.Î. Ew bi ambulansê ji bo nexweşxaneyeke taybet a bajêr hat veguhestin.

Piştî bûyerê, tîmên Şaxa Tevgera Taybet a Gerînendehiya Polîsan a Parêzgehê, li taxê bergirên ewlehiyê girtin.