Li Nisêbînê termê zilamekî ku bi guleyê hatiye kustin hat dîtin

PeyamaKurd – Hat ragihandin ku li çoltera gundê Şolbekir ê navçeya Nisêbîn a bajarê Mêrdînê yê Bakurê Kurdistanê, termê zilamekî hatiye dîtin.

Hat zanîn ku şivanên gund dema çêrandina pezê xwe cenazeyê zilamekî dîtine û cenderme agahdar kirine.

Hat hînbûn ku termê kesê hatiye dîtin zilamekî bi navê Yilmaz Demîr ê 48 salî ye û bi guleyekê hatiye kuştin.

Cenazeyê Demîr bo Nexweşxaneya Dewletê ya Nisêbînê hat veguhestin û piştre jî ji aliyê xizmên wî ve li gund hat veşartin, lê hîn nehatiye zanîn bi çi sedemê hatiye kuştin.