Li Rihayê li ser îhaleyê pev çûn: 1 kustî, 1 birîndar

PeyamaKurd – Hat ragihandin ku îro 19ê Tebaxê li navçeya Birecik a bajarê Riha yê Bakurê Kurdistanê, di navbera hejmarek kesan de nîqaş çêbû û piştre dengê çekan bilind bû.

Li gorî zanyariyan du aliyên ku li Taxa Meydan a Birecikê li ser  îhaleyê veguhestinê nîqaş dikirin, piştre pev çûne û çek teqiyane ku nehatiye zanîn kîjan aliyî teqe kiriye.

Di encama teqandina çekan de, gule li du kesan ketiye ku kesê bi navê Burhan Guneş û pismamê wî Îsmaîl Guneş birîndar bûne. Hat diyarkirin ku Burhan Guneş dema rakirine nexweşxaneyê can daye.