Lûtkeya G20yê li Japonyayê dest pê kir

PeyamaKurd - Lûtkeya G20ê li bajarê Japonyayê Osakayê dest pê kir. Civîna ewil diderbarê ‘Aboriya Gerdûnî, Bazirganî û Veberhênan’ de ye.

Bi boneya civîna bilind G20ê (20 welatên herî pêşketî û dewlemend) Serok, wezîr û nûnerên hindek saziyên dewletan li Osakaya Japonyayê civiyan.

Civîn li Navenda Fuaran a INTEX Osakayê birêve dice. Mijara civîna ewil diderbarê ‘Aboriya Gerdûnî, Bazirganî û Veberhênan e.’

Serokwezîrê Japonyayê Şinzo Abe beriya ku wêneê bi malbatî were girtin li ser platforma li devê deriyê navenda yek bi yek pêşwazî li mêvanan kir.

Di roja ewil a civînê de wê mijarên çandî bihên gotûbêjkirin û bi xwarinê bidawî bibe.