Mafê xanenişîniyê ji bo Kurdên Feylî hate berfirehkirin

PeyamaKurd - Serokatiya Encûmena Wezîran bi fermana Serokê Hikûmeta Herêma Kurdistanê Mesrûr Barzanî, xaleke rênimayiyên qanûna xanenişîniyê guhert û mafê dirêjkirina temenê xanenişîniyê bo 65 salan kêsûkarên jimare yek û du yên şehîdên Kurdên Feylî û şehîdên dezgeha federalî jî lê zêde kir.

Fermangeha Medya û Zaniyaran a Hikûmeta Herêma Kurdistanê ragihand ku li gorî fermana nû ya bi hejmara 11760ê ya roja 17ê Îlona 2026ê, xala sêyem ji fermanên berê hatiye guhertin da ku çarçoveya fermanberên sûdwergir berfirehtir bibe.

Merc û belgeyên pêwîst ji bo sûdwergirtinê

Li gorî biryarê, ew fermanberên ku kêsûkarên jimareya yek û du yên şehîdên Kurdên Feylî ne û her wiha kêsûkarên wan şehîdan in ku li gorî qanûna dezgeha şehîdên federalî hatine tomarkirin, dikarin ji vî mafî sûdê werbigirin.

Her wiha di fermanê de hatiye tekezkirin ku şertê sereke yê sûdwergirtina van fermanberan ew e ku belgeyên fermî ji aliyê dezgeha navborî ve werin pêşkêşkirin da ku doza wan were piştrastkirin.