Mesrûr Barzanî pêşvaziya Konsulê Giştî yê Brîtanyayê Andrew Bizley kir

PeyamaKurd - Serokwezîrê Herêma Kurdistanê Mesrûr Barzanî, ji ber bidawîhatina dema peywira wî ya dîplomatîk a li Hewlêrê, Konsulê Giştî yê Brîtanyayê Andrew Bizley qebûl kir.

Di hevdîtina îro de, Serokwezîr Barzanî ji ber hewl û kedên wî yên di dirêjahiya serdema wezifeyê de ku ji bo bipêşxistina pêwendiyên piralî yên di navbera Hewlêr û Londonê de dabûn, spasiya Bizley kir û di xebatên wî yên nû de serkeftin jê re xwest; her wiha Barzanî tekez kir ku Herêma Kurdistanê dixwaze hevbeşiya stratejîk û koordînasyona bi Brîtanyayê re bibe asteke bilindtir.

Piştgiriya Londonê û avakirina kabîneya nû

Ji aliyê xwe ve, Konsulê Giştî yê Brîtanyayê Andrew Bizley spasiya Hikûmeta Herêma Kurdistanê û saziyên pêwendîdar kir ku di dema peywira wî de piştgirî û hêsankariyên xurt pêşkêşî wî kirine.

Bizley pabendbûna welatê xwe ya ji bo parastina aramiya herêmê û xurtkirina hevkariyên ewlehî û aborî nû kir.

Di beşeke din a hevdîtinê de, her du alî li ser girîngiya çalakkirina Parlamena Kurdistanê û avakirina kabîneya nû ya hikûmetê di demeke zûtir de bûn yek, ku ev pêngav di rojeva siyasî de hat tomarkirin daku rê li ber valahiya îdarî û aloziyên nû bê girtin.