Mizrakli: “Bê rêziye, di demokrasî û hûqûqê de ciyê kiryarê tine ye”

PeyamaKurd- Şaredarê şaredariya mezin yê Diyarbekirê Dr. Adnan Selçuk Mızraklı li ser mijara girtina ji wezîfeya serokatiya şaredariyê û tayîna qeyûm bo şaredariyê weha got:

“Ev kiryar bi demokrasiyê û dewleta hûqûqê re lihev nake û bêrêziya ji îrade ya xelkê re ye.”

Selçuk ragihand ku ew bi dengên xelkê hatine ser îdara şaredariyê û tenha xelk dikare wan ji ser karên wan dûr bixe.

Sê roj berê şaredarê şaredariya mezin yê Diyarbekirê, yê Mêrdîn û Wanê bi biryara wezareta karên hundir ya Tirkiyê ji wezîfeyên wan hatibû girtin û di şûna wan de parêzgerên bajarên navborî bo serokatiya şaredariyan hatibûn tayînkirin.