Serokê CHPê: Em bi xapandineke mezin re rû bi rû ne

PeyamaKurd – Serokê Giştî yê Partiya Komarî ya Gel (CHP) Ozgur Ozel derbarê mûçeyê herî kêm a nû de wiha got: "Divê soz bê dayîn ku herî kêm 3 mehan carekê mûçeyê herî kêm ji nû ve bê diyarkirin."

Ozel piştî serdana xwe ya li Komeleya Civaka Demokratîk (SDD) daxuyanî da çapemeniyê.

Ozel bertek nîşanî ji nû ve şandina dosyaya Wekîlê Partiya Karkerên Tirk (TÎP) Can Atalay ji Dadgeha Bilind re da û got, nepêkanîna biryara Dadgeha Destûra Bingehîn (AYM) ya cara duyemîn, hewldana derbeyê ye. ".

“Ti hincet nemaye ku li Tirkiyê behsa dewleta hiqûqê were kirin. Divê ti kes nêzîkî partiya desthilatdar nebêje li Tirkiyê qanûn heye.” Ozel got, “Îro dadgeheke herêmî nikare li hemberî Dadgeha Destûra Bingehîn li ber xwe bide, eger li ber xwe bide, talîmat hatiye dayîn. Ev talîmat ji aliyê serokê desteya îcrayê ve hatiye dayîn, ku cudabûna hêzan paşguh dike. Her kesê ku berevajî vê yekê îdîa dike, li rûyê vî gelî derewan dike."

"Em bi xapandineke mezin re rû bi rû ne"

Ozel li ser pirsa rojnamegerekî mûçeyê herî kêm a nû nirxand û got, “Em bi xapandineke mezin re rû bi rû ne. Zêdekirina ku tê dayîn bilindbûnek e ku enflasyona şeş mehên dawî telafî dike. "Ji bilî mûçeya herî kêm a ku îro hatiye diyarkirin, divê soz bê dayîn ku herî kêm her 3 mehan carekê ji nû ve were destnîşankirin."

Ozel li ser pirsa der barê aliyên ji bo Komisyona Tesbîtkirina Mûçeyên Kêmtirîn ên bi Serokomarê Tirkiyeyê Recep Tayyîp Erdogan re hevdîtin pêk bînin wiha got: “Recep Tayyîp Erdogan komîsyon ji bo xebatên xwe yên siyasî veguherandiye amûrekê. Ji bo siyaseta xwe komîsyonê wekî amûrekê bikar tîne. Xebata wî, saziyek wisa wek hemû sazî û rêgezan westandiye. Divê ev komîsyon bi awayekî azad kar bikira, pêşniyara xwe pêşkêş bikira û ev yek weke daxwaza hevpar a wê maseyê li dijî rêveberiyê diyar bikira, lê ketiye bin fermana serokê rêveberiyê."

Ogur di nirxandina xwe ya derbarê hilbijartinên herêmî de jî got, “Recep Tayyîp Erdogan dema ku diçe derve, belkî ne di wê rewşê de ye ku bi enflasyon, maliyeta jiyanê û endeksa feqîriyê pesnê xwe bide. Bi baweriya min divê Erdogan bi şaredarên me yên Stenbol û Enqereyê serbilind be. Bila ji hemû cîhanê re behsa serkeftina wan bike. Divê rêveberiya me ya baş a Enqere û Stenbolê ji bo şaredariyên ku bi rêve dibin mînak bigirin.".