Newroza îsal li mal û sanesînan tê pîrozkirin!

PeyamaKurd - Îro 21ê Adarê roja Newrozê ye lê ji ber metirsiya koronavîrûsa nû (Covid-19) pîrozbahiyên girseyî yên Newrozê hatin betalkirin. Êvar Newrozê ango 20ê Adarê gelek hemwelatiyan li şaneşîn û pencereyên xwe, li ser banên xaniyên xwe, li kolan û kuçeyan pêşwazî li cejna Newrozê kirin.

Li seranserî Bakurê Kurdistanê û Tirkiyê pîrozbahiyên Newrozê bi fişekên hewayî li kuçe û kolanan hat pîrozkirin.

Diyarbakır'dan Newroz kutlaması pic.twitter.com/WYbKjhzUMN

— Jin News (@jinnews2) March 20, 2020

Welatiyan lambeyên malên xwe vemirandin û pêxistin, ajokaran li kornayên erebeyan xistin û hin welatî ji li şaneşîn û pencereyênn malên xwe find vêxistin. Hejmarek welatî jî li derve agir vêxistin û li derdora govend gerandin û xwe di ser re avêtin.

Di pîrozbahiyên Newrozê yên welatiyan de dîmenên rengîn derketin holê. Fişekên hewayî ku hatin teqandin asîmanên Bakurê Kurdistanê û Tirkiyê ron û rengîn kirin.

İstanbul'da renkli Newroz görüntüleri pic.twitter.com/FNcEYnVEp8

— Jin News (@jinnews2) March 20, 2020

PeyamaKurd cejna netewî Newroza gelê Kurd pîroz dike.

Newroz pîroz be!

Newroztan pîroz bît!

Newroza şima firaz bo!