Du birayên Bedirxanî

PeyamaKurd: Pirtûka bi navê “Du birayên Bedirxanî” bi nivîsên xwe yên gelek balkêş, bi hesêb babeta xwe û wexta xwe ya ku hatine weşandin, balê dikşîne. Du bira: Celadet Bedirxan û Kamîran Bedirxan. Pirtûk ji aliyê lêkolînerê hêja Seîd Veroş de hatiye nivîsandin.

Nivîsên wan yên di navbera salên 1913 û 1923an, tîşkê dixe ser gelek mijarên wê demê. Bi taybetî yên dewra salên şerê cîhanê yê yekem û piştî têkçûna dewleta Osmaniyan, yên salên 1918 û 1923yan heya peymana Lozanê.

Di nivîsên her du birayan de behsa şerê cîhanê yê bi îxtîrasên serpereştên Îttîhad û Teraqiyê derketiye û dewleta Osmanî tevlî bûye, çawa mirov di eniyên şer de bi taybetî Kurd hatine kuştin, datîne ber çavên xwendevanan. Mijareka dinê ya têkçûna Osmaniyane bi saya serê Enwer û Talat Paşayê Tûranî.

Mijara peymana Mondrosê ku nemana dewleta Osmaniye, di pirtûkê de behsa çarenûsa neteweyan dike û behsa prensîbên Wîlson dike. Damezrandina dewleta nû ya li Ankara û biryardayîna îdama her du birayan, bavê wan Emîn Alî Bedirxan û birayê mezin Sureyya Bedrixan ku li îstenbolê diman.

Mijara weşana rojnameya Serbestiyê bi serê xwe mijara pirtûkê ye ku gelek bi berfirehî tê de behsa wê tekirin.