Ozgur Ozel nameyek ji Nêçîrvan Barzanî re şand

PeyamaKurd - Serokê CHPê Ozgur Ozel nameyek hevxemiyê ji Nêçîrvan Barzanî, Serokê Herêma Kurdistanê re şand, ku mala wî bi dronan hate êrîşkirin.

"Ez êrîşê bi tundî şermezar dikim"

Di nameya xwe de, Ozgur Ozel xemgîniya xwe ya li ser êrîşê anî ziman û got:

"Ez vê êrîşê bi tundî şermezar dikim; Ez sersaxiyê ji we, endamên malbata we yên rêzdar û gelê Herêma Kurdistana Iraqê re dixwazim."

Ozel tekez kir ku êrîşên bi vî rengî aramiya herêmê hedef digirin û got, "Ez hêvî dikim ku bûyerên bi vî rengî careke din çênebin; Ez dixwazim ku ewlehî, aştî û aramî di zûtirîn demê de li herêma me ava bibe."

Di 28ê Adarê de, mala Nêçîrvan Barzanî ya li Duhokê bi dronan hate êrîşkirin.