Piştî banga Bahçelî ya li ser Ahmet Turk biryara balkêş a tayînkirina qeyûm

PeyamaKurd - Banga serokê MHPê Devlet Bahçelî ku behsa Ahmet Turk û Ahmet Ozer dikir û digot "Ahmet herin meqamê", careke din bêbersiv ma.

Dema qeyûmê ku ji aliyê Wezareta Karên Hundir a Tirkiyeyê ve ji bo Şaredariya Bajarê Mezin a Mêrdînê hatiye tayînkirin du mehan hatiye dirêjkirin.

Wezareta Karên Hundir a Tirkiyeyê dema Waliyê Tuncay Akkoyun, ku di çarçoveya lêpirsîna terorê de wekî qeyûm ji bo Şaredariya Bajarê Mezin a Mêrdînê hatibû tayînkirin, heta 4ê Tîrmeha 2026an dirêj kir.

Piştî ku Şaredarê Bajarê Mezin Ahmet Turk di 4ê Mijdara 2024an de, di çarçoveya lêpirsîn û dozgeriya terorê de ji kar hat dûrxistin, Waliyê Mêrdînê Tuncay Akkoyun ji aliyê Wezaretê ve wekî qeyûm hatiye tayînkirin.

Dema tayînkirinê, ku her du mehan carekê tê nûkirin, ji nû ve hatiye nirxandin û heta 4ê Tîrmeha 2026an hatiye dirêjkirin. Ji ber vê yekê, rêveberiya qeyûmê li Şaredariya Bajarê Mezin a Mêrdînê wê di rola xwe ya heyî de berdewam bike. Hat hînbûn ku pêvajoya tayînkirinê di çarçoveya qanûnên pêwendîdar de tê meşandin.

Bahçelî bangek kiribû

Piştî banga Bahçelî ya "Ahmet vegere ser karên xwe", pêşniyar hatibû kirin ku Ahmet Turk û Ahmet Ozer dikarin ji nû ve werin ser karên xwe.

Her çend Ahmet Turk di hilbijartinên herêmî yên Mêrdînê de bi rêjeya %57 bi ser ketibe jî, şaredarî 1.5 sal in ji hêla rêveberekî tayînkirî ve tê birêvebirin.