Qubad Talabanî êrîsa ser ala Kurdistanê û PDK ê sermezar kir

PeyamaKurd – Cîgirê serokwezîrê Herêma Kurdistanê Qubad Talabanî ragihand ku şewitandina baregeha PDK ê ya li Bexdayê û şewitandina ala Kurdistanê ji aliyê Haşdî Şabî de nayê qebûlkirin û şermezar kir. Qubad Talabanî li ser mijarê got ku divê hêzên ewlekariyê yên Iraqê di mijarê de tewrê xwe li hemberê deynin û weha got:

“Ev êrîşa li hemberê qedr û qiymetên Kurdistaniyan li dijî destûra Iraqê û pîroziyên Kurdistaniyan e. Ez radigihînim ku vê kiryarê bi tundî şermezar dikim û divê dost û hevkarên me yên li Iraqê û hemî hêz, li hemberê vê bêrûmitiyê dengê xwe bilind bikin. Ev êrîşa li hemberê aqil û dostaniyê, di heman wextê de li hemberê serdestiya hûqûqê hatiye kirin. Em weka Kurdistanî, ji her wextê zêdetir pêdiviya me bi yekîtiyê heye.”