Sererkanên Tirkiyê û Rûsyayê li ser Îdlibê axivîn

PeyamaKurd – Sererkanê Rûsyayê General Valery Gerasimov û sererkanê Tirkiyê Yaşar Guler li ser Îdlibê axivîn.

Li gorî daxuyaniya artêşa Tirkiyê (TSK) derbarê civînê de tu hûrgilî nehatin belavkirin lê hat diyarkirin ku sererkanê Rûsyayê, Gerasimov û yê Tirkiyê, Guler li ser mijara Îdlibê û pêşhatên dawiyê gotubêj kirine.

Ji aliyê din ve, hêjayî gotinê ye ku, artêşa Tirkiyê bo Îdlibê sewqiyatên xwe didomîn û duh jî yekîneyên leşkerî û topên obusê bo sînorê Tirkiyê û Sûriyê hatin şandin.

Berdevkê çapemeniyê yê Hêzên Sûriya Demokratîk (HSD) Mustafa Balî medyayê ragihandiye ku wê bajarê Idlibê radestî rejîma Sûriyê bê kirin.