Efrîn | Ji bo azadkirina 2 kesan 200 teneke zeytûn xwestin

PeymaKurd - Dezgeha Mafên Mirovan a li Efrînê ragihand ku komeke çekdar a girêdayî artêşa Tirkiyê ji bo azadkirina 2 kesên ku revandine 200 teneke zeytûn wekî fîdye xwestine.

Li gor zanyariyên dezgehê koma çekdar El Hemzat, ji bo berdana 2 pismamên bi navê Adil Muhammed û Omer Muhammed ku 23yê vê mehê revandine, 200 teneke zeytûn xwestine.

Hat diyarkirin ku ew herdu kesên hatine revandin ji gundê Kefrşilê yê Efrînê ne û koma çekdar îdia dike ku ew ji ber berhevkirina zeytûnên gundiyên din hatine destgîrkirin.

Koma çekdar ji bo azadkirina wan jî 200 teneke zeytûn ji wan xwestiye.