Saziyên Kurdistanê dibin elektronî: Yekem gav hat avêtin

PeyamaKurd - Serokê Fermangeha Teknolojiya Zanyarî da zanîn ku karên elektronîkkirina karên hikûmetê gav bi gav ‎tên kirin û got: “Me ji wezareta dad û navxwe destpê kiriye.”‎ 

Serokê Fermangeha Teknolojiya Zanyarî Hîwa Efendî ragihand ku ‎karûbarên elektronîkkirina fermangehên hikûmetê ranewestiyane û got: “Em gav bi gav kar dikin, me ‎ji fermangehên herdu wezaretên dad û navxwe destpê kiriye, sedem jî ew e ku rojane karekî zêde yê ‎xelkê li wan wezaretan heye.”‎

Hîwa Efendî ji Rûdawê re gotiye, karê wan bê pirsgirêk nabe, ji aliyê hinek kesan ve asteng tên çêkirin lê ew ‎wek serpereştiyarên teknîkî hewl didin daxuyaniyeke baş bo xelkê bidin ku ew kar di encamê de ji bo ‎xizmeta tevahiya xelkê ye.‎

Efendî elektronîkirina karûbarên dadgehan ev agahî dan:

“Li dadgehan daxwaznamenivîs ji vî karî nerazî ne û dibêjin daxwaznameyek ji 2 hezar û 500 dînaran dibe 25 ‎hezar dinar û ew jî ne wiha ye. Ji ber li dadgehan fotokopî û wênegirtin û hejmarek pêdiviyên din hene ‎ku hemû dike zêdeyî 10 hezar dînar, tişta em jî bizanin niha ligel kompanyayekê gotûbêj heye daku ew ‎‎25 hezar dînarên daxwaz kirine were kêmkirin bo kêmî 20 hezar dînar, bi vêna jî ew cudahî gelekî kêm ‎dibe. Kar jî tên elektronîkkirin û careke din dema karekî welatiyan hebe wan pereyên zêde nadin, tişta ‎em pêşbînî dikin berî dawiya îsal nivîs bo dadgehan dibin elektronî.”‎

Di civîna yekem Desteya Wezîrên Hikûmeta Nehem a Kurdistanê de biryar hatibû dayîn ku karê elektronîkirinê li dam û dezgehên hukmî di demek nêzîk de bikeve pratîkê.