Serok Barzanî cejna Ekîto ya Suryanan û Babîliyan pîroz kir

PeyamaKurd – Serokê Kurdistanê Mesûd Barzanî bi sedema hatina serê sala Bîbîliyan û Asûriyan ya bi navê Ekîto peyameka pîrozbahiyê belav kir. Serok Barzanî di peyama xwe de got:

“Bi sedema hatina cejna serê salê ya Ekîtoyê, ez cejnê bi germahî li Keldanî, Suryanî û Asûriyên Kurdistanê, Iraqê û temamê dinyayê pîroz dikim. Bila sala nû bibe sala xweşiyê, bereketê û aştiyê.

Dahatûya me û Keldanî, Asûrî û Suryaniyên Kurdistanê, başî, xweşîya me û nexweşiya me tev bi hevre ye. Divê em tev bi hevre di navbera pêkhateyên ayînî û etnîkî de pêkvejiyan û çanda biratiyê dewlemend bikin.”