Turîsta ku hatibû Diyarbakirê di sûran werbû: Birîna wê giran e

PeyamaKurd – Li gorî ajansa (Amîda News) radigihîne; li Diyarbekirê jineke di koma tûrîstan de hevsengiya xwe winda kir û ji dîwarên Birca Keçikan ket xwarê. Jina ku serê wê di encama ketinê de şikest û bi giranî birîndar bû rakirin nexweşxaneyê.

Jineke 60 salî ya ku îro (8ê mijdara 2024an) a di koma tûrîstan de hilkişiya ser sûrên Deriyê Mêrdînê Birca Keçikan, hevsengiya xwe winda kir û ket xwarê.

Hate zanîn ku jina ku navê wê nehat zanîn di encama şemitînê de ket xwarê û  serê wê û lingên wê şikestin.

Li ser agahiya kesên li derdorê ekîbên tenduristiyê hatin cihê qezeyê û jina ku di sûran werbû rakirin nexweşxaneyê. Hat diyarkirin ku birînên wê giran in.