Vebûna deriyê Rebîe tevgera deriyê Îbrahîm Xelîl kêm kir

PeyamaKurd - Hate ragihandin ku hikûmeta Iraqê planeke berfireh dimeşîne daku bandor û serweriya aborî ya Herêma Kurdistanê qels bike.

Di vê çarçoveyê de piştî jinûvevekirina Dergehê Rebîe yê di navbera Iraq û Sûriyeyê de (ku li aliyê din wekî Til Koçer tê naskirin), tevgera bazirganiyê ya li Deriyê Navdewletî yê Îbrahîm Xelîl ê di navbera Tirkiye û Herêma Kurdistanê de rûbirûyî kêmbûneke berçav bûye.

Îbrahîm Xelîl ku xala serekî ya girêdana bazirganî ya bi Tirkiye û Yekîtiya Ewropayê re ye, xwedî dahateke salane ya texmînkirî di navbera 700 milyon heta zêdetirî milyarek dolarî de ye.

Lê belê, pispor hişyariyê didin ku ji ber guhertina bazirganiyê ya ber bi Rebîeyê ve, dibe ku êdî dahata salane ya Herêmê negihe wê asta berê.