Japonya | Masiyekî 276 kîloyan bi 1,3 milyon dolaran hate firotin
PeyamaKurd – Li Japonyayê di mezada sersalê de, masiyekî orkînoksê şîn ê 276 kîlo bû, bi 1,3 milyon dolaran hate firotin.
Hate ragihandin ku li hala masiyan a paytexta Japonya Tokyoyê, mezada kevneşopî ya sala nû hatiye kirin û di wê mezadê de masîyekî orkînoks ê şîn ku 276 kîlo bû, bi nirxê 1,3 milyon dolaran bo kesekî hatiye firotin.
Hate diyarkirin ku ew masî li eyaleta Aomorî ya Japonyayê hatiye girtin û di mezadê de bi 207 milyon yene ango 1,3 milyon dolarê Amerîkî hatiye firotin. Ew masî li Japonyayê ji sala 1999an ve masiyê bi bihayê herî zêde hatiye firotin e ku wê demê jî masiyekî 278 kîloyan bi 2,1 milyon dolaran mişterî ji xwe re dîtibû.
Ev nivîs 117 car hatiye xwendin.
