Sandeke Kurdistanê ji bo budçe, petrol û madeya 140 diçe Bexdayê

PeyamaKurd - Şanda parlementoya Kurdistanê li ser bûdce, petrol û madeya 140 bi komîsyonên pêwendîdar yên parlementoya Iraqê re hevdîtinan bike diçe Bexdayê.

Endamê komîsyona darayî ya parlementoya Kurdistanê, Mihemed Sadedîn ji medya Kurdistanê re ragihand, şandeke parlementoya Kurdistanê bi serokatiya cîgirê seroka parlementoyê, Hêmin Hewramî sibê êvarê diçe Bexdayê.

Mihemed Sadedîn da zanîn, şanda parlementoya Kurdistanê dê ji roja pêncşemê ve (26 vê mehê) dest bi hevdtînan bike û li ser sê pirsgirêkên serekî yên navbera Hewlêr û Bexdayê bi aliyê Iraqî re gotûbêjan bike.

Endamê komîsyona darayî ya parlementoya Kurdistanê herwiha got, di hevdîtinan de dê behsa bûdceya sala 2020 ya Iraqê û pişka Kurdistanê, petrola Kurdistanê û deverên Kurdistanî yên li derveyî Kurdistanê û madeya 140 werin axaftin.