HDPê bo Ocalan bang li hikûmetê kir

PeyamaKurd - Hevseroka Partiya Demokratîk a Gelan (HDP) Perwîn Buldan, ji bo destpêkirina pêvajoya aştiyê bang li Hikûmeta Tirkiyê kir.

Perwîn Buldan di civîneke rojnamevanî de, rexne li astengkirina hevdîtinên Abdullah Ocalan û parêzerên wî kir û got: Ocalan di nav tenêhiştineke dijwar de ye û cezayê tenêhiştinê tawaneke mirovî ye û nabe Ocalan bê cezakirin.

Buldan bang li Hikûmeta Tirkiyê kir, ku divê caraeke din danûstendin li gel Ocalan bên kirin û got: Kirîz û aloziyên Tirkiyê, bi riya danûstendinan li gel Ocalan, tên çareserkirin.

Duh dadgeha Bursayê, heya 6 mehan hevdîtinên Ocalan û parêzerên wî qedexe kir.