ئەمریکا هۆشداری دەداتە هاووڵاتیان کە دەست بەجێ ئێران بەجێ بهێڵن، تەنانەت لەڕێگەی ووشکانیشەوە

ئەمریکا هۆشداری دەداتە هاووڵاتیان کە دەست بەجێ ئێران بەجێ بهێڵن، تەنانەت لەڕێگەی ووشکانیشەوە

باڵیۆزخانەی مەجازی ئەمریکا لە ئێران لە بەیاننامەیەکدا هۆشداری دا کە دۆخی ئێران بە خێرایی بەرەو خراپی دەچێت و ناڕەزایەتییەکان لە سەرانسەری ووڵاتدا تووندتر بوون و داوای لە هاووڵاتیانی ئەمریکی کرد دەست بەجێ ئێران بەجێبهێڵن و تەنانەت ئەگەر بتوانن بە ووشکانی گەشت بکەن بۆ ئەرمینیا یان تورکیا.

لە ڕاگەێندراوەکەدا ئەوەش هاتووە : ڕێوشوێنە ئەمنییەکان لە ئێران زیاتر کراون، ئینتەرنێت گیراوە و ڕێگاوبانەکان داخراون، هەروەها پەککەوتنی گواستنەوەی گشتی بەردەوامە، هێڵە ئاسمانییەکان بەردەوامن لە سنووردارکردن یان هەڵوەشاندنەوەی گەشتە ئاسمانییەکان بۆ ئێران و لە ئێران ەوە، هەروەها چەند کۆمپانیایەکیش تا ڕۆژی هەینی ١٦ی بانەمەڕ خزمەتگوزارییەکانیان ڕاگرتووە.

باڵوێزخانەی مەجازی ئەمریکا لە ئێران جەختی لەوە کردەوە کە دوو هاووڵاتی ئەمریکی – ئێرانی دەبێ بە پاسپۆرتی ئێرانی ئێران بەجێ بهێڵن، بەو پێیەی کۆماری ئیسلامی دوو هاووڵاتی ئەمریکی – ئێرانی تەنیا بە هاووڵاتی ئێرانی دەزانێت.

لە بەیاننامەکەدا ئەوەش هاتووە: هاووڵاتیانی ئەمریکا لە ئێران ڕووبەڕووی مەترسی جیددی دەبنەوە بۆ لێپرسینەوە و دەست بەسەرکردن و زیندانی کردن. پیشاندانی پاسپۆرتی ئەمریکا یان هەبوونی پەیوەندی لەگەڵ ئەمریکا دەتوانێ بەس بێت بۆ دەسەڵاتدارانی ئێران بۆ دەست بەسەرکردنی هەر کەسێک.