عێراق یەکەمین فڕۆکەی بێفڕۆکەوانی دروستکراوی ناوخۆی نمایش کرد

پەیامی کورد... عێراق یەکەمین فڕۆکەی بێفڕۆکەوانی دروستکراوی ناوخۆی نمایش کرد

دەستەی پیشەسازیی سەربازیی عێراق بەرهەمهێنانی یەکەمی فڕۆکەی بێفڕۆکەوانی ناوخۆیی بە ناوی "صقر واحد" نمایش کرد و یەکەم فڕینی بە ئاسمانی عێراقدا ئەنجام دا.

محەممەد ساحیب دەراجی، سەرۆکی دەستەکە بە ئاژانسی هەواڵیی عێراقییەی وتووە، "پێشکەوتنێکی مەزن لە پیشەسازی سەربازیی عێراقیدا هاتووەتەکایەوە، لەوانەی قەوانی هاوەن و فڕۆکەی بێفڕۆکەوان."

دەشڵێت، "سەقر واحد دەتوانێت بە بەرزی چوار کم بفڕێت و ٣٠ کیلۆمەتریش دوور بکەوێتەوە."

ئاشکراشیکردووە، "دەستەکە تفەنگی (ڕافیدەین) بەرهەم دەهێنێت".