بەهۆی هێرشێکی داعشەوە لە ئەنبار ١٠ هاوڵاتی کوژران و بریندار بوون

پەیامی کورد … بەهۆی هێرشێکی داعشەوە لە ئەنبار ١٠ هاوڵاتی کوژران و بریندار بوون

درەنگانی شەوی ڕابردوو چەکدارانی داعش لە دەوروبەری قەزای حەدیسەی سەر بە پارێزگای ئەنباری ڕۆژئاوای عێراق هێرشیانکردووە و بە گوێرەی ئەنجامە سەرەتاییەکان ١٠ هاوڵاتی کوژراون و بریندار بوون.

سەرچاوەکانی هەواڵ  بڵاویانکردەوە، هێرشەکە بۆ سەر قەزای حەدیسە بووە و چەکدارانی داعش لە پێنج قۆڵەوە هێرشیانکردووە و بەهۆیەوە ٤ هاوڵاتی کوژراون و ٦ هاوڵاتی دیکەش بریندار بوون.

بە گوێرەی هەواڵ هێرشەکە لە لایەن شانە نوستووەکانی داعش لە ناوچەکە ئەنجام دراوە و نزکیبوونەتەوە لە دەریاچەی حەبانیەی گەشتوگوزاری ئەنبار.

دوای هێرشەکەش، هێزە ئەمنییەکان و حەشدی عەشایەری خراونەتە ئامادەباشییەوە و دەستیان بە کێوماڵی ناوچەکە کردووە.

لە دوای تێکشکانی لە ناوچەکانی خۆرئاوای ئەنبار، ئەوە یەکەمجارە داعش هێرشی وا لەو ناوچانە ئەنجام بدات.