بۆچی گەمارۆوەکانی ئەمریکا بۆ سەر ئێران ڕووی لە زیاد بوونە ؟؟؟

پەیامی کورد  ...   واشینتۆن بە بۆنەی ساڵوەگەڕی دەرچوونی ئەمریکا لە پڕۆگرامی بەرجام لە حاڵی پێداچوونەوەی گەمارۆوەکانی زیاتری ئابووری لە دژی ئێرانە .

بە پێی ڕاپۆرتێک لە ئاژانسی ڕۆیتەرز ، واشینتۆن دەیەوێ بە بۆنەی ساڵوەگەڕی دەرچوونی ئەمریکا لە بەرجام گەمارۆگەلێکی زیاتری ئابووری دژ بە ئێران بخاتە گەڕ .

بەرپرسی ئەمریکی لەمبارەوە ڕایگەیاند و ووتی : " ئێمە دەمانەوێ کە تاجیرانی دەرەکی تێبگەن کە تیجارەت لەگەڵ ئێران هەوڵێکی شێتانە و وەحشەتناک و ترسناکە . هیوادارم هەوڵ گەلی نوێ تا حەفتەی داهاتوو بخرێنە واری جێبەجێ کردنەوە . هەرچەندە ئەم جۆرە هەوڵانە لە ساڵوەگەڕی دەرچوونی ئەمریکا لە بەرجام زیاتر ببێت ، زۆر باشتر دەبێت " .

هەروەها ویلایەتەیەکگرتووەکان دەتوانێ مەعافیەتە نەوتییەکانی ئێران نوێ نەکاتەوە .

ئەمە لە حالێکدایە کە موحەمەد جەواد زەریف وەزیری کاروباری دەرەوە لە دەربڕینی قسەکانی خۆیدا لە تویتەر بە ئاماژەدان بە زەرەر و زیانەکانی لافاوی ئەم دواییە لە شوێنە جۆراوجۆرەکانی ئێران دا نووسی : " سیاسەتی فشاری لە ڕادە بەدەری ترامپ کە پێشێلکردنی بەرچاوی ڕێکەوتننامەی ٢٢٣١ ی شەورای ئەمنییەت و فەرمانی دیوانی نێودەوڵەتی دادو گەشەپێدان ە لە گەیاندنی هاوکاری مانگی سووری ئێرانی بۆ تەواوی ناوچە لافاو لێدراوەکان بێ وێنە بووە و کەم و کورتی درووست کردووە .هەروەها لەو شتانەی کە قەدەغە کراوە ، هەلیکۆپتەری گەیاندنی هاوکارییە ، ئەمە تەنیا شەڕی ئابووری نییە ، بەڵکوو ئەمە تیرۆریسمی ئابوورییە " .