پاپ ڕابەری کاتۆلیکەکانی جیهان هۆشداری دەداتە ئیتاڵیا

پەیامی کورد     ...    پاپ ڕابەری کاتۆلیکەکانی جیهان هۆشداری دەداتە ئیتاڵیا

پاپ هۆشداری دەداتە ئیتاڵیا سەبارەت بە هەنگاونانی زووی ئەو ووڵاتە بۆ جەژنی سەرکەوتن بە سەر کۆرۆنادا .

ڕابەری کاتۆلیکەکانی جیهان بە خەڵکی ئیتاڵیا سەبارەت بە شایی بە کۆتاهاتنی ڤیرووسی کۆرۆنا لەو ووڵاتەدا هۆشداری دا .

بە پێی ڕاپۆرتێک لە ئاژانسی هەواڵی ڕۆیتەرز ، پاپ فرانسیس ڕابەری کاتۆلیکەکانی جیهان ڕۆژی یەکشەممە داوای لە خەڵکی ئیتاڵیا کرد جەژنی سەرکەوتن بە سەر کۆرۆنادا بەم زووانە بەڕێوە نەبەن و هەروەها لە یاساکانی دەوڵەت دەربارەی ماوەی نێوان کەسەکان لە کۆمەڵگادا و هەروەها بەکار هێنانی ماسک پەیڕەوی بکەن .

پاپ فرانسیس لە نێوان بەشدار بوونی سەدان کەس دا لە مەیدانی سەن پێترێرزبۆرگ دا ، بە هاواری شایی خەڵک کە ئەم ئامادەبوونە هەر چەند کەمیشە بە نیشانەی سەرکەوتنی ئیتاڵیا بە سەر کۆرۆنادا لە قەڵەمدا ، کاردانەوەی نیشان دا و لە هەمان کاتدا جەختی کردەوە کە دەبێ ئاگادار بین و ئەم سەرکەوتنە بەم زووانە نابێ بکرێتە جەژن و شایی .

نزیکەی ٣٤ هەزار کەس لە ئیتاڵیا بە هۆی تووشبوون بە کۆرۆناوە گیانی خۆیان لە دەستدا . ئەم ووڵاتە لە دوای ئەمریکا ، بەریتانیا و بەرازیل ، بە چوارەمین ووڵات بە بەرزترین ئاماری تووشبوون بە کۆرۆنا لە جیهان هەژمار دەکرێت