دواهەمین ئاماری تووشبوون بە ڤیرووسی کۆرۆنا لە جیهان ڕادەگەێنین

پەیامی کورد      ...    دواهەمین ئاماری تووشبوون بە ڤیرووسی کۆرۆنا لە جیهان ڕادەگەێنین

لە ٢٤ کاتژمێری رابردوودا ٢١٠ هەزار تووشبووی نوێی کۆرۆنا لە جیهان تۆمارکراون و کۆی تووشبوانیش گەیشتە ٢١ ملیۆن و ٨٢٦ هەزار کەس، لەسەر ئاستی جیهان ئەمریکا، لەسەر ئاستی ئەورووپا ئیسپانیا و لە رۆژهەڵاتی ناوەڕاستیش ئێران زۆرترین تووشبووی پەتاکەیان تێدا تۆمارکراون.

بە گوێرەی ئامارە جیهانییەکان تێکڕای تووشبوانی کۆرۆنا تاوەکو بەرەبەیانی ئەمڕۆ دووشەممە گەیشتوەتە ٢١ ملیۆن و ٨٢٦ هەزار و ٧٦٩ کەس، لەو ژمارەیەش ١٤ ملیۆن و ٥٦٤ هەزار و ٤٤٥ تووشبوو چاکبوونەتەوە و ٧٧٣ هەزار  و ٧٥ توشبوش گیانیانلەدەستداوە. 

لەسەر ئاستی ووڵاتانی جیهان، ولایەتە یەكگرتوەكانی ئەمریكا لە پلەی یەكەم دێت كە تیایدا پێنج ملیۆن و ٥٦٦ هەزارو ٦٣٢ كەس تووشی كۆرۆنا بوون، بڕازیل بە تۆمارکردنی سێ ملیۆن و ٣٤٠ هەزار و ١٩٧ بە پلەی دووهەم و هیندستانیش بە تۆمارکردنی دوو ملیۆن و ٦٤٧ هەزار و ٦٦٣ کەس لەسەر ئاستی جیهان بە پلەی سێیەم دێت لەڕووی بەرزی ژمارەی تووشبوانەوە.

لەسەر ئاستی ووڵاتانی ئەفریقایی ، ووڵاتی ئەفریقای باشوور بە پلەی یەکەم دێت و ٥٨٧ هەزار و ٣٤٥ تووشبووی تێدا تۆمارکراوە، لەسەر ئاستی ووڵاتانی رۆژهەڵاتی ناوەڕاست ئێران بە تۆمارکردنی ٣٤٣ هەزار و ٢٠٣ تووشبووی کۆرۆنا زۆرترین کاریگەری ئەو پەتایەی تێدا دەرکەوتوە، لەسەر ئاستی کیشوەری ئەورووپاش ئیسپانیا بە پلەی یەکەم دێت لەڕووی بەرزی ژمارەی تووشبوان و تا ئێستا ٣٥٨ هەزار و ٨٤٣ تووشبوو لە ووڵاتەدا تۆمارکراون.