دوای کوژرانی قاسم سلێمانی یەکەم شاندی باڵای ئێران سەردانی بەغدایان کرد

پەیامی کورد    ...  دوای کوژرانی قاسم سلێمانی یەکەم شاندی باڵای ئێران سەردانی بەغدایان کرد 

شاندێكی باڵای ئێرانی به‌سه‌رۆكایه‌تی عه‌لی شه‌مخانی ئه‌منیداری گشتی ئه‌نجوومه‌نی ئاسایشی نیشتمانی ئه‌و ووڵاته‌ گه‌یشته‌ به‌غدا و له‌گه‌ڵ ڕاوێژكاری ئاسایشی نیشتمانی عێراق كۆبوه‌وه‌.
ئێواره‌ی رۆژی شه‌ممه‌ شاندێكی ئێرانی به‌سه‌رۆكایه‌تی عه‌لی شه‌مخانی گه‌یشته‌ به‌غدا و له‌گه‌ڵ فالح فه‌یاز راوێژكاری ئاسایشی نیشتمانی عێراق كۆبووه‌وه‌.
به‌پێی میدیاكانی هه‌ر دوو وڵات له‌ كۆبوونه‌وه‌كه‌دا چه‌ند پرسێكی ئه‌منی و په‌یوه‌ندیه‌كانی هه‌ردوولا و رێكاره‌كانی به‌ره‌نگاربوونه‌وه‌ی كۆرۆنا تاوتوێ كراون.
له‌دوای كوژرانی قاسم سوله‌یمانی فه‌رمانده‌ی فه‌یله‌قی قودسی سه‌ر به‌ سوپای پاسداران له‌ به‌غدا ئه‌مه‌ به‌ یه‌كه‌م سه‌ردانی به‌رپرسێكی باڵای ئه‌منی و سه‌ربازی ئێران بۆ به‌غدا داده‌نرێت.
ئه‌م سه‌ردانه‌ش له‌ كاتێكدایه‌ كه‌ به‌هۆی بڵاوبوونه‌وه‌ی ڤیرووسی كۆرۆنا، عێراق هاتووچۆی گه‌شتیاری له‌گه‌ڵ ئێران راگرتووه‌ و رێگه‌ به‌ هاتنه‌ ناوه‌وه‌ی هیچ هاوڵاتیه‌كی ئێرانی نادات، به‌ڵام بڕیاره‌كه‌ وه‌فده‌ سیاسی و دیپلۆماسیه‌كان ناگرێته‌وه‌.